Pimmusay ti maysa a Filipino-American a kameng ti US Air Force, kalpasan a naaksidente iti Vandenberg Space Force Base sadiay Amerika.
Sigun iti Vandenberg Space Force Base, manarimaan ti panangpaandar ni Airman 1st Class Cedric Eneluna kadagiti nadagsen nga alikamen idi natinnag iti maysa nga embankment.
Napakaammuanen ti maseknan a pamilia maipapan iti ipupusay ni Eneluna.
Iti agdama, saan paylaeng nabigbig ti Santa Barbara County Coroner’s Office ti opisial a makagapu iti ipupusay ni Eneluna.
Sigun kadagiti otoridad, mailinged dagiti kanayonan a detalye agingga a malpas ti imbestigasion.
Agtawen ni Eneluna iti 23, manipud sadiay Bacolod City.
Simrek iti US Air Force idi Marso 5, 2024 ken simmangpet sadiay Vandenberg para iti umuna a duty assignment-na idi Agosto 2, 2024.
Nagnaed iti Pilipinas idi ubing ngem immakar idiay Fayetteville, North Carolina nga imbilangna kas hometown daytoy.
Sigun iti Vandenberg Space Force Base, nagserbi ni Eneluna a nabuyogen ti kinapropesional, kinapakumbaba, ken nainget ti panagkumitna kadagiti kakaduana ken iti mision dagitoy.
