Pimmusay ni sigud nga One Direction star Liam Payne kalpasan a natnag manipud iti maikatlo a kadsaaran ti hotel idiay Buenos Aires, Argentina.
Maibasar iti inisyal nga imbestigasyon dagiti otoridad, naikeddeng a ti makagapu ti ipupusay daytoy ket ti panagaramatna ti droga a nangitunda iti panaglagto-na iti agarup 13 agingga 14 meters wenno 42 agingga 45 a kangato ti pasdek.
Naulila ni Payne ti lalaki nga anakna a ni Bear kenni singer Cheryl Cole.
Pimmusay ti singer iti tawenna a tallo pulo ket maysa.
Agladladingit ita ti pamilya, gagayyem ken music industry iti ipupusay daytoy.
Maipalagip a ni Payne, Harry Styles, Niall Horan, Zayn Malik ken Louis Tomlinson ti nangbukel iti nasao a grupo sipud nangrugi idi tawen 2010.
Tawen 2015 idi naginana ti grupo, simrek ni Payne iti solo career nu sadino nakaipablaak daytoy ti kanta nga “Strip That Down” idi tawen 2017 ken ti albumna nga “LP1” idi 2019.
