Ipatumpal meten ti Department of Justice (DOJ) ti four-day onsite workweek kas paset iti initiatibo ti ahensya a makatipid iti kuryente ken gasulina gapu iti mannarimaan a tensyon idiay Middle East.
Inwaragawag ti nasao nga ahensiya nga manglukat dagiti opisina dagitoy Lunes ahingga Huwebes bayat a work-from-home met dagiti empleyado ti Biyernes.
Sigun iti nasao nga ahensiya, manamnama a nu maipatumpal ti baro nga iskedyul, makatipida ti Department of Justice ti 20, 142 killowatt-hours a kuryente tunggal bulan.
Mainaig iti dayta, kinnidaw ni Justice Secretary Fredderick Vida kadagiti empleyado ti ahensiya a tumulong dagitoy iti panagtipid iti enerhiya uray kadagiti pagtaengan dagitoy.
Ti nasao nga addang ket paset pay laeng iti araramiden ti gobyerno a pamay-an tapno makatipid ti enerhiya kagidan iti fuel price hike nga ituntunda ti bumarbara a tensyon idiay Middle East. //Bombo Karen Sapirao
