Raraemen ni President Ferdinand Marcos Jr. ti freedom of expression nu sadino, kasapulan a denggen daytoy dagiti pakaseknan wenno an-anek-eken dagiti umili.
Daytoy ket kagiddan dagiti maipatpatungpal ita a tignay-protesta gapu kadagiti iregularidad dagiti flood control projects iti gobyerno nu sadino, maatap nga imbulsa laeng dagiti manmano dagiti nailatang a pondo.
Iti press confererence, kinuna ni Palace Press Officer Undersecretary Atty.Claire Castro nga idawdawatda a dagiti maipatpatungpal a tignay-protesta ket saan a gundawayan dagiti daduma nga addaan iti dakes a panggep para iti gobyerno.
Maipalagip nga iti agdama ket nagduduma a grupo ti nag-organisar kadagiti rally tapno ipakita ti saanda a panangkanunong iti korapsyon a mapaspasamak iti Pilipinas.
