Impasigurado ti Ateneo de Davao University nga ipaayda ti full scholarship kadagiti innem a kakabsat ti pimmusay nga Ateneo student-athlete a ni Rene Baterbonia.
Daytoy ti inwaragawag ni Ateneo de Davao University president Fr. Karel San Juan kabayatan iti memorial mass a napasamak para kenni Baterbonia.
Sigun kenni Fr. San Juan, suportaran ti nasao a pagadalan ti edukasyon dagiti nabati a kakabsat ni Baterbonia manipud basic education agingga iti kinakolehiyo.
Innayonna a babaen iti nasao nga initiatiba, maipakitada ti panangbigbigda iti tarigagay ni Baterbonia a makatulong iti pamilyana.
Maipalagip a pimmusay ti Rene idi Hunyo 8 kadua ti fellow athlete na iti Ateneo Blue Eagles a ni Divine Adili kabayatan iti team-building activity dagitoy idiay Dipaculao, Aurora.
Kabayatanna, maysa nga adadalen dagiti otoridad iti agdama ket ti posibilidad ti hazing wenno homicide iti nasao nga insedente. //bombokaren.c.sapirao
