--Ads--
Maisasakad ti gakat a mangpaatiddog iti paternity leave benefit para kadagiti amma manipud iti agdama a pito nga aldaw agingga iti 105 nga aldaw.
Iti naisingasing a Paternity and Parental Leave Act (PAPA Leave Act), manayonan iti 90 nga agsasaruno nga aldaw ti paid paternity leave.
Mabalin a maaramat ti kanayonan a 15 nga aldaw a paid leave iti uneg ti maysa a tawen manipud iti pannakayanak ti ubing.
Saklawen ti PAPA Leave Act dagiti naasawaan ken awanan asawa nga amma.
Nupay kasta, namakdaar ni Akbayan Party-list Rep. Chel Diokno a siasino man nga ama a saan nga umno a nagaramat iti paid leave ket mabalin a sumango iti legal nga aksyon.
