Naaprobaranen iti maikatlo ken maudi a pannakaibasa ti gakat a mapaatiddog ti termino dagiti opisial ti barangay ken Sangguniang Kabataan (SK) manipud iti tallo a tawen agingga iti innem.
Ti House Bill No. 11287 ket nakaawat ti 153 affirmative votes, four negative votes, ken maysa nga abstain.
Dagiti agdama nga opisial ti barangay ken SK a nabutosan idi napalabas nga Oktubre 30, 2023 ket agtalinaed iti opisinada agingga iti sumaruno nga eleksion inton Mayo 2029, malaksid no nasapsapa a maikkat wenno masuspindir gapu iti dadduma a rason.
Nakalanad iti gakat a naikeddeng ti two-term limit para kadagiti barangay officials ken one-term limit para kadagiti SK officials.
No mapirmaan a linteg, maangay ti synchronized barangay ken SK elections iti tunggal innem a tawen iti maikadua a Lunes ti Mayo a mangrugi iti 2029.
Ti sumaruno a barangay and SK elections ket maisayangkat inton Disiembre a uno iti agdama a tawen.
