Naipila manen ti gakat a mangkidkiddaw iti kanayunan a minimum salary dagiti public school teachers tapno mapagbalin a P50,000 tunggal bulan.
Ti House Bill 203, ket panggepna a manayunan ti sweldo dagiti mannursuro iti parapubliko a pagadalan manipud iti agdama a sweldo dagitoy a P27,000 ket mapagbalin iti P50,000 ken katukad daytoy ti salary grade 15 iti sidong ti Salary Standardization Law.
Sigun kenni ACT Teachers party-list Rep. Antonio Tinio, ti nasao nga addang ket dakkel a tulong daytoy para kadagiti mannursuro nangruna ita a nangato dagiti presyo dagiti gagatangen.
Malaksid iti dayta, umap-apela metlaeng dagitoy iti libre a medical checkups ken treatment, kanayunan nga instructional allowance, compensation para iti teaching overload kasta metten ti kinakurang dagiti pagadalan ken resources.
