--Ads--
![](https://img.bomboradyo.com/baguio/2020/03/7.jpg)
BAGUIO CITY – Nauram iti maysa a bodega sadiay Lower Camdas, Baguio City idi malem kalman.
Maibasar iti report ti BFP-Baguio, naitawag iti opisinada ti nasao nga uram iti 1:05 ti malem ken naideklara a fire out kalpasan ti 15 a minutos.
Sigun kenni Kagawad Edward Kantala iti Brgy. Camdas, Baguio City ken agtagikua iti nasao a bodega, nakaro ti nagbalin nga epekto ti uram iti maikadwa a kadsaaran.
Nairaman a nauram ti maysa a telebisyon nga atapenna a nagtaudan ti uram.
Dinakamatna pay a dumanon iti nasurok P100,000 ti gatad ti nauram a bodega.