Inyanunsyo ni General Romeo Saturnino Brawner, Jr. ti panagretirona iti serbisyon iti naangay a Testimonial Parade and Review daytoy ita nga aldaw idiay Fort Gregorio H. Del Pilar, Philippine Military Academy.
Daytoy ket kalpasan iti agarup 36 a tawen a panagserbina iti militar, manipud idi nagtugaw daytoy nga opisial kalpasan ti panaggraduarna iti Philippine Military Academy (PMA) idi 1989.
Agpatingga ti aktibo a panagserbi daytoy inton Hulyo 21.
Maipalagip a ni Brawner ti maika-60 a Chief of Staff ti Armed Forces of the Philippines (AFP).
Nagadal ni Brawner idiay University of the Philippines Baguio sakbay a simrek daytoy iti Military Academy idi 1985 ken naggraduar daytoy kas paset iti PMA “Makatao” Class of 1989.
Iti uneg ti tallo a dekada a panagserbina, inakupanna dagiti nagduduma a napapateg a posisyon iti Armed Forces of the Philippines (AFP) ken Philippine Army no sadino nagserbi daytoy kas Company Commander ti 6th Special Forces Company, Battalion Commander ti 2nd Special Forces Battalion, Operations Officer ti Special Forces Regiment (Airborne), Chief of Public Affairs ti AFP, AFP Spokesperson, Commander ti Army Civil-Military Operations Regiment, Commander ti 103rd Infantry Brigade, Commandant of Cadets ti Philippine Military Academy, Commander ti 4th Infantry Division, Commanding General ti Philippine Army, ken iti kamaudiananna, Chief of Staff ti Armed Forces of the Philippines manipud Hulyo 21, 2023 agingga iti panagretirona inton Hulyo 21, 2026.
Nadakamat na met laeng a maysa kadagi arapaap na ti agsubli ditoy Baguio City tapnu agserbi kadagi umili – saanen a kas kameng ti militar nu di ket kas maysa a pribado nga inbidibidual. //bombokaren.c.sapirao (Report of Bombo Jerwin Aquino )
