Bimmaba ti energy stocks iti US ken Europe kalpasan ti katulagan a ceasefire iti nagbaetan iti Estados Unidos ken Iran a nangpababa iti presio iti lana.
Bimmaba iti sidong iti $100 tunggal bariles ti oil prices kalpasan nga inaprobaran ni US President Donald Trump ti temporario a panagsardeng kadagiti panagatake kasukat iti panaglukat manen iti Strait of Hormuz.
Gapu iti daytoy, bimmaba ti shares iti dadakkel a kompania a kas iti Exxon Mobil ken Chevron, kasta metten ti dadduma pay nga energy firms iti Estados Unidos ken Europe.
Iti sabali a bangir, ngimmato met ti airline stocks gapu iti nababa a gastos iti fuel.
Sigun kadagiti analyst, agtaltalinaed nga agbalbaliw ti merkado ken posible nga agbaliw a nakadepende iti panagtaray iti ceasefire negotiations.
