Nakasagana ti Pilipinas a mangipatulod ti sabali a humanitarian contingent idiay Myanmar a nakapasamakan ti gingined iti kanito nga agsubli iti Pilipinas ti immuna a bunggoy.
Impasigurado ti Office of Civil Defense (OCD) idi kalman ti nasao a banag kagiddan ti agtultuloy a panangipaay ti Pilipinas iti disaster response ken tulong kadagiti naapektaran a lugar idiay Myanmar.
Sigun kenni OCD Administrator Ariel Nepomuceno, ti immuna a bunggoy ket posible nga agsubli iti Pilipinas inton Abril a dose.
Ti umuna a batch ti agdama a Philippine contingent ket buklen ti limapulo a kameng a nangturong idi Abril a uno, bayat ti maikadua a batch nga addaan ti tallo pulo ket tallo a kameng ket nakadanon idi Abril a dos.
Inlawlawag ti OCD a mabalin a makisubli dagiti Pilipino a kayatna nga agawid iti Pilipinas.
Kabayatanna, dumanon iti nasurok 3,000 nga indibidual ti pimmusay gapu iti gingined, ken ginasgasut ti mapukpukaw.
Agtaltalinaed met nga uppat a Pilipino ti “unaccounted” wenno mabirbirukan.
