Nakasengpeten iti pagilian dagiti walo nga overseas Filipino workers manipud sadiay Lebanon idi Domingo, October 13, 2024.
Sigun iti Department of Migrant Workers, dumanonen iti uppat a gasot lima pulo nga Overseas Filipino Workers ti nakaawid iti pagilian manipud idi naipatungpal ti government’s voluntary repatriation program.
Amin dagiti nakaawid nga Overseas Filipino Workers ket maipaayan iti immediate financial assistance nga agatad iti P75,000 iti tunggal maysa manipud iti ahensia ken P75,000 manipud iti Overseas Workers Welfare Administration.
Malaksid iti dayta, maipaayan dagitoy iti livelihood assistance nga agatad iti P20,000 manipud iti Department of Social Welfare and Development ken skills training vouchers manipud iti Technical Education and Skills Development Authority.
Namnamaen ti nasao nga ahensia nga ad-adu pay nga Overseas Filipino Worker ti agawid manipud iti Lebanon babaen ti nainget a panagregget ti Philippine government a mangisubli kadagiti Pilipino tapno ad-adda a masigurado ti kinatalgedda iti baet ti kumarkaro a panagsusupiat ti Israel ken Hezbollah.
