--Ads--
Manarimaan ken makumikum ti panagsagsagana dagiti grupo a makisalip iti float parade.
Nangrugi met a ti panakaaramid ken panakadisenyo kadagiti luglugan a maaramat iti parada.
Sigun iti nakapatang ti Bombo Radyo a maysa a contractor ti kadagiti makisalip iti float parade, agarup 50-60% ti nalpas dagitoy para iti preparation iti mapadpadaanan a highlight ti Baguio Flower Festival
Sigun iti nasao a kontraktor, innem a floats ti naipaima kenkuana manipud iti maysa laeng nga organisasyon rason a nalaos ti ragsakna.
Iti agdama, saan paylaeng a mabalin a maipabuya dagiti preparasyon nga araramidenda gapu ta naituding a suprisa a maipakita dagitoy iti publiko iti maangay a float parade inton Pebrero baente tres.//Bombo Noveh Organo
