Kiniddaw ni World Health Organization (WHO) Director-General Tedros Adhanom Ghebreyesus kadagiti residente ti Tenerife, Spain nga agtalinaed dagitoy a kalmado gapu iti panagsangpet ti cruise ship nga MV Hondius a nagluganan dagiti addaan kaso ti hantavirus.
Sigun iti nasao a direktor, saan a rumbeng a maikompara ti sitwasyon idi COVID-19 pandemis iti hantavirus gapu ba nababa ti pangta ti hantavirus iti publiko.
Innaklon daytoy a delikado ti Andes Strain ti hantavirus kalpasan a nakumpirmar ti tallo a pasahero.
Nupay kasta, impasigurado daytoy nga iti agdama, awan pay laeng kadagiti dadduma a pasaeros di nakitaan ti simtomas.
Innayon daytoy a personalna a kinita ken binantayan ti proseso para kadagiti pasaeros.
Inlawlawag ni Tedros a panggep ti Spain ti panangiyakarda kadagiti pasaeros iti industrial port ti Granadilla no sadino diretso dagitoy a mapaawid kadagiti bukodda a pagilian.
Pinagyamanan daytoy ti pagilian a Spain ken residente ti Tenerife iti panangawatda iti nasao a barko kas paset iti international cooperation. //bombokaren.c.s
