Kinumpirmar ti Philippine Army Training Command (TRACOM) a heat stroke ti rason iti ipupusay dagiti dua a trainees kabayatan ti military training dagitoy idiay Capas, Tarlac.
Sigun iti training command, nakalanad iti official medical certificates a nakapasar dagiti dua a trainees iti brain complicastion ken swelling (encephalopathy) nga intunda ti severe heat stroke .
Inlawlawag ti Philippine Army Training Command (TRACOM) a ti sentomas ti Secondary complications ti heat stroke ket pakairamanan ti panagbalbaliw ti mental state wenno behavior, agitation, restlessness, delirium, seizures, coma, ken multiple electrolyte imbalances.
Kabayatanna, impeksa ti Philippine Army ti pannakipagladingitda iti pamilya dagiti pimmusay a da Candidate Soldiers (CS) Johndyl Lemosniro ti Corella, Davao del Norte, ken Junel Flores manipud iti Lamitan City, Basilan.
Maipalagip a dagus a naipaay ti medical intervention para kadagiti dua a trainees.
Naiturong dagitoy iti Camp O’Donnell Medical Treatment Facility (CODMTF) kalpasan a naawananda ti puot ken kritikal ti kasasaad dagitoy.
Naiyakardar dagiti trainees iti Tarlac Provincial Hospital para iti laboratory testing ken intensive treatment ngem pimmusay metlang dagitoy.
