Mga ka-bombo, ammoyo kadi nga adda ti maysa a woodpecker hotel idiay Sweden a sangapulo ket tallo a metro ti kangatona ngem saan a maar-aramatan ti agdan para iti panaguli dagiti guests nu di ket tali laeng.
Malaksid iti dayta, naisangsangayan ti Hotell Hackspett gapu ta saan daytoy a naaramatan ti lansa para iti panakaipwestona iti Oak Tree nga agtawinen iti 130.
Nupay kasta, naaramatan met daytoy ti natitibker a galut wenno tali tapno saan a madadael ti nasao a kayo.
Ti Hotell Hackspett ket dinisenyo ni Mikael Genberg ken naaramid idi 1998 nu sadino, napaglanga daytoy kas iti tradisyunal a Swedish Red Cottage iti maysa nga Oak Tree.
Maipapaay ti room service babaen iti pulley system ken addaan daytoy ti dry toilet. Awanan daytoy ti heater iti agdama rason a silulukat laeng daytoy tuggal summer.
