Impetteng ni PMaj Marcy Marron, pannakangiwat ti Baguio City Police Office nga awan ti nailista a kaso ti Hotel ken Transient scams manipod Oktubre agingga Disyembre iti agdama a tawen.
Resulta daytoy ti agtultuloy nga information dissemination campaign ti agtintinnulong a pwersa ti kameng ti pulisya ken ti Tourism office ti siudad.
Gapu iti dayta, agbalbalinen a naridam dagiti tattao nangruna dagiti turista a saan a kaskarina nga agpabook kadagiti accommodation nu saan dagitoy a verified.
Mainaig iti daytoy, kinunana a nagbalin nga epektibo dagiti kampanya nga isaysayangkatda a kanayon a maipabpablaak ken maiwar-waragawag iti social media ken dagiti dadduma pay a platforms.
Mapalpalagipan met ti amin nga iberipikar dagiti makitada a maidiaydiaya nga services ken accommodations sakbay nga agbook-da.
Malaksid iti dayta, ket mabalin nga aramaten ti Baguio Visita website para iti daytoy.
