Sititibker nga inkalintegan ti House of Representatives ti panangkissayda iti badyet ti Department of Education (DepEd) para iti 2025.
Sigun kenni 1-Rider Party-list Representative Rodge Gutierrez, ti pannakakessay ti badyet ti Department of Education (DepEd) ket saan a panangipaidam iti edukasion nu diket maipapan iti panangsigurado iti umno a pannakaaramat ti pondo.
Kasaruno ti kinuna ni Education Secretary Sonny Angara a naupay daytoy gapu iti pannakakessay ti pondo a mabalin a mangapektar ti computerization program ti ahensia.
Iti report ti Commission on Audit, napaliiw ni Gutierrez a P2.075 billion laeng ti impautang ti Department of Education (DepEd) manipod iti P11.36 billion 2023 budget para kadagiti information and communication technology equipment.
Iti panagdinggeg ti badyet idi Setiembre, naduktalan a 12,022 a laptop para kadagiti mannursuro ken 7,558 para kadagiti non-teaching personnel ti nagtalinaed a saan a naited iti ngudo ti tawen 2023.
Idi napalabas a lawas, inaprobaran ti bicameral conference committee ti .352-trillion 2025 General Appropriations Bill (GAB), a pakairamanan ti pannakakessay ti P12 billion manipod iti DepEd ken P30 billion manipod iti Commission on Higher Education (CHED).
Manamnama nga aprobaran daytoy ni President Ferdinand Marcos Jr., ngem patien ni Education Secretary Angara a makita ti president ti nasao a pakaseknanna.
