Agpanpannawagan ita ni Senator Imee Marcos iti baro a liderato ti senado nga idadauloan ni Senate President Alan Peter Cayetano ti dagos a panagtuloy ti imbestigasyon ti Blue Ribbon Committee seknan iti maatap a flood control corruption iti pagilian.
“Buksan na ang Blue Ribbon Committee. Tanggalin lahat ng takip sa Flood Control Corruption,” sigun kenni Senator Marcos.
Guyguyugoyenna metlaeng ti nasao a Blue Ribbon Commitee a mannarimaan nga idadaulon ni Senator Pia Cayetano nga ipaawagna dagiti personalidad a maatap nga adda pakainaiganna iti nasao a kontrobersiya.
Karaman kadagiti dinakamat daytoy ket dagiti 18 a sigud a marino, sigud a mammanday-linteg a ni Zaldy Co, sigud nga Executive Secretrary Lucas Bersamin, ken sigud nga undersecretary Adrian Bersamin.
Ti kiddaw ti nasao a senadora ket kasaruno iti agtultuloy a diskusyon ti senado seknan iti accountability kadagiti proyekto ti gobyeno, partikular iti flood control programs.
Iti agdama, awan pay laeng ti opisyal a komento ti Blue Ribbon Committe iti daytoy a kiddaw ti senadora. //bombokaren.c.sapirao
