--Ads--
Impetteng ni Acting Senate President ken Senate President Pro Tempore Sherwin Gatchalian a bigbigen laeng ti Senado ti panagdengngeg ti Senate Blue Ribbon Committee nga idaulwan ni Senator Erwin Tulfo.
Sigun kenni Sen. Gatchalian, amin a panagdengngeg wenno imbestigasion a maisayangkat iti ruar ti nasao a komite ket awanan iti institutional authority ken saan a bigbigen ti Senado.
Daytoy ti kinuna ni Gatchalian, sumagmamano nga oras kalpasan nga inwaragawag ni Sen. Tulfo nga awan ti opisial a panangdengngeg nga isayangkat ti Senate blue ribbon panel intun June 16, 2026.
Impaulog ni Sen. Tulfo ti advisory kalpasan nga impakaammo ni sigud nga Anakalusugan Rep. Mike Defensor nga adda ti maangay a panagdengngeg iti nadakamat a petsa.
