Mailukat manen ti imbestigasyon ti Senate Blue Ribbon Committee inton sumaruno a lawas seknan iti naanomalyaan a flood control projects iti pagilian.
Immunan nga impakaammo ni Senate President Alan Peter Cayetano a napagnunumuan ti mayorya ti senado a mangbukel iti subcommittee a mangtutok iti panangituloy iti imbestigasyon.
Innayon daytoy nga idualoan ni Senator Rodante Marcoleta ti nasao nga imbestigasyon.
“It will be impartial and we want the whole truth, and not only some truth, or some true and some not true, to come out,” sigun kenni SP Cayetano.
Immunan nga indaulon ni Senator Marcoleta ti Blue Ribbon Committee idi nabukel daytoy. Sinukatan daytoy ni Senator Panfilo “Ping ” Lacson agingga iti panagsukat ti liderato idi napalabas a lawas.
Iti agdama, ni Senator Pia Cayetano ti mangidadaulo iti nasao a komite. //bombokaren.c.sapirao
