Naarestaren ni impeached South Korean President Yoon Suk Yeol itay parbangon, sumagmamano laeng nga oras kalpasan ti warrant hearing daytoy a nangrugi iti 2:00 PM idi kalman iti Seoul Western District Court.
Naarestar daytoy iti presidential compound idiay Seoul, South Korea nu sadino, posible a masentensyaan daytoy iti imprisonment gapu paylaeng iti panangideklarana iti Martial Law iti nasao a pagilian idi napan a bulan.
Iti panakiuman iti Bombo Radyo kenni Ruel Toquero, Bombo International News Correspondent idiay South Korea, ni Yoon Suk Yeol ti kaunaan a presidente iti pakasaritaan iti nasao a pagilian a naarestar gapu kadagiti nagduduma nga akusasyon.
Sigun kenni Toquero, adu kadagiti supporters ni Yoon Suk Yeol ti nangdadael kadagiti government properties bayat ti panagriot dagitoy nu sadino, nagaramatda kadagiti plastic chairs, ken metal beams iti panakilabanda kadagiti police officers.
Ginasgasut a police officers iti naideploy ken agarop siam a pulo a protesters ti naarestar.
Sumagmamano met kadagiti kameng iti pulisya iti nadangran bayat a manariman paylaeng met a maim-imbestigaran nu adda dagiti kameng iti korte ti nadangran.
Malaksid iti dayta, manarimaan metlaeng ti panakaassess dagiti nadadael a kagawaan.
Iti agdama, mabalinen nga ilaylayon iti Corruption Investigation Office for High-Ranking Official ti detention ni Yoon iti 20 nga aldaw nu sadino,mabalinda nga ipaima ti kaso iti public prosecutors para iti indictment.//Bombo Rob Dominguez
