Kinumpirmar ni Senator Panfilo Lacson nga adda ti posibilidad a saan a matuloy ti impeachment trial kontra kenni Vice President Sara Duterte no maibalud ti nasurok siam a Senador gapu iti flood control scandal.
Iti agdama, dumanon ito walo a Senador ti sumangsango iti reklamo, pakairamanan ni Senator Jinggoy Estrada nga agdama a nakabalud.
Immuna met a kinuna ti Office of the Ombudsman a dumanon iti 10 a Senador ti manarimaan nga im-imbestigaranda gapu iti plunder ken dadduma a maatap nga alegasyon.
Iti sidong ti 1987 Constitution, awan ti tao ma-convict no awan ti two-thirds kadagiti amin a kameng ti Senado.
Sigun kenni Senator Lacson, posible nga awan ti mapasamak nga impeachment no 15 laeng ti mabati a Senador wenno senator judges.
Nupay kasta, impettengna a saan paylaeng a convicted dagiti dadduma a Senador ken pasetda paylaeng iti Senado, malaksid laeng no maipaulog ti preventive suspension
Iti kanito a kaaduan kadagiti Senador ti maibalud, isingasing ni Sen. Lacson a dumawat iti pammalubos manipud iti Sandiganbayan tapno mapalubosan dagiti naibalud a senador a makipaset iti impeachment trial.
