Impeksa ni sigud a President Rodrigo Duterte nga imposible a maibaba ti presyo ti bagas iti P20 tunggal kilo nga isu ti inkari ni President Ferdinand Marcos Jr.
Sigun kenni Duterte, ad-adda pay a ngumato ti presyo ti bagas.
Dinakamatna a sipud idi napan a tawen ket tuloy-tuloy ti panagngato ti presyo ti nasao a produkto nu sadino ti retail price ti premium rice ket P67 tunggal kilo, local well-milled rice ket P57 ken ti local regular rice ket P53 tunggal kilo.
Nupay imposible a maibaba iti P20 ti presyo ti bagas, impetteng met ti sigud a Presidente a mabalin pailaeng a makontrol ti presyo ti bagas nu agdawat ni President Marcos ti emergency powers iti kongreso.
Kabayatanna, maibasar iti patta-patta ti Department of Agriculture, agarup 200,000 metric tons ti pagay ti posible a mapukaw gapu iti El Nino.
