Nubotosan manen ni incumbent mayor Bernard Waclin kas mayor sadiay Itogon, Benguet bayat a ti vice mayor ket ni Dax Godio iti kaleppas a national ken local elections idi kalman.
Dagiti met nangabak iti councilor ket da Cesar, Altiga, Norberto Pacio,Clint Galutan, Albert Carantes Jr., Lucky Busacay, Albino Diego, Alejandro, Palangdan, kenni Noel Bilibli.
Kabayatanna, iti pannakiuman ti Bombo Radyo kenni Rhey Oliva, Election Officer-COMELEC Itogon, kinunana a generally peaceful ti intero a munisipyo bayat ti kaleppas nga eleksyon.
Nupay kasta, nakapasar dagitoy iti aberya no sadino dadduma kadagiti scanner dagiti automated counting machines ti nagpalya kasta metten nga adda ti maysa a nag-manual uplaod bayat ti transmission gapu iti kinakapoy ti signal.
Iti baet dayta, nasolusyonan metlaeng daytoy rason a nakapagtransmitda idi 3:am itay parbangon.
Iti sabali a bangir, kiddawna met kadagiti kandidato nangabak man wenno saan nga ikkaten dagitoy dagiti campaign materials-da iti aglawlaw.
Malaksid iti dayta, kiddawna pay kadagitoy a mangipila iti Statement of Contributions and Expenditures wenno SOCE.
