Inwaragawag Palace Press Officer Atty. Clarissa “Claire” Castro a bimmaba ti inflation rate iti pagilian gapu iti panagregget ti administrasyon.
Nupay kasta, inyunay-unayna a saan nga agpakampante ti gobierno agsipudta adda ti sangsangwen ti pagilian a global oil crisis.
Sigun kenkuana, tuloy-tuloy ti ipatpatungpal ti gobierno a programa kas iti fuel subsidy, subsidiya kadagiti mannalon ken fisherfolks, pannakaipaay ti abuno, similya, ken dadduma pay a programa ti gobierno.
Inaklon ti Malacañang nga agtaltalinaed a nangato ti presio ti taraon ken dadduma pay a kangrunaan a kasapulan para iti adu a Pilipino, iti laksid ti panagbaba ti implasion.
Iti baet dayta, impanamnama ni Palace Press Officer Undersecretary Castro a posible nga adda ti kanayunan a tulong wenno subsidiya para kadagiti sektor a marigatan pay laeng.
Kinuna ti opisyal ti Malacañang a ni President Ferdinand Marcos Jr. ti mangipakaammo kadagiti baro a tulong nga ipaay ti gobierno.//mp4
