Pimmusay ti innem a nilaon ti maysa a tricycle pakairamanan ti driver kalpasan a naidungpar daytoy iti maysa a truck iti paset ti Makar-Siguel Highway idiay Barangay Tambler, General Santos City idi laeng malem ti Dominggo.
Dead on the spot dagiti lima a biktima ken pimmusay met ti maysa bayat a matamtaming iti pagagasan.
Nabigbig ti driver ti tricycle a ni Jay Cañedo nga agtawen ti trentay dos, bayat a dagiti pasaheros daytoy ket da Marivic Enan, Rosilene Pajaro,Jeremy Michael Cunanan,Zowie Natalie Cañedo, ken Lathicia Jane Enan, tallo kadagitoy ket menor de edad.
Sigun iti report, agaw-awid dagiti biktima manipod iti beach resort idi napasamak ti aksidente.
Manarimaan paylaeng met ti imbestigasyon dagiti kameng ti pulisya tapno maduktalan nu adda iti impluwensya ti arak ti tricycle driver idi napasamak ti aksident gapu ta agpararang a naawanan ti control daytoy iti imanmanehona.
Kabayatanna, saan pay met a nadakamat ti pakabigbigan ti driver ti truck a karaman iti nasao a road mishap.
