Inwaragawag ni Benguet State University President Kenneth Laruan a narisuten ti isyu seknan iti saan a nabayadan ken naitantan a sahod dagiti Contractual of Service nga empleyado ti nasao nga uniberisdad.
Maipalagip nga adu dagiti report, sayangguseng ken isyu a sinango ti nasao nga unibersidad idi napalabas a tawen maipapan iti nasao a banag.
Sigun kenni University President Laruan, numan pay naitantan iti apagbiit, narisuten daytoy ken nabayadanen dagiti job orders ken dadduma pay a contractual of service kadagiti napalabas a tawen babaen ti income-generated ti Benguet State University.
Dadduma kadagitoy ket nabayadan babaen iti “release” ti Free Higher Education.
Ti “release” manipod iti Free Higher Education ket ti bayad manipud iti enrollment idi napalabas a semester. | via Bombo Noveh Organo
