BAGUIO CITY- Inlawlawag ni City Administrator ti isyu a narigat ti panangiproseso ti business permits iti Baguio City.
Iti interview ti Bombo Radyo Baguio, imbinsa-binsa dagiti damag nangruna dagiti agwarwaras iti social media a narigat ti nasao nga proseso iti siudad.
![](https://img.bomboradyo.com/baguio/2021/04/City-Hall-Baguio-1-2.jpg)
Sigun kenkuana nainget ti panangipatungpalda kadagiti pagalagadan ti business permits tapnu maipanamnama ti umno ken kalidad a serbisyo nga idiaya dagiti establishiemento wenno services a pagnumaran met dagiti umili.
Impeksana a marigatan laeng dagiti aplikante ti business permits nu awanan ken agkurkurang dagitoy kadagiti maikalkalikagum a dokumento malaksid pay nu addaanda iti panaglabsing.
Inyunay-unayna nga awan ti agbalin a parikot nu makompleto ken agtulnog kadagiti requirements a kadawyan a makidkiddaw kadagiti umili.
Inayonna a pagnumaran ti publiko wenno kaadoan ti serbisyo wenno negosio dagiti agal-ala ti business permits malaksid a makaalada ti birok isunga nasken nga agtulnogda kadagiti pagganurutan.