![](https://img.bomboradyo.com/baguio/2019/08/tesda-2.png)
BAGUIO CITY – Guyguyuguyen ti Technical Education and Skills Development Authority (TESDA) dagiti technical-vocational education and training graduates ken dagiti industry workers tapnu makipasetda iti job/business fair a maangay sadiay Baguio City National High School inton Dominggo, August 25.
Sigun iti TESDA, mangidiaya iti oportunidad dagiti 15 a local companies ken 15 nga overseas recruitment agencies.
Naimbitaran pay ti sumagmamano a kontraktor ti DPWH tapnu mangidiayada iti oportunidad para kadagiti skilled construction workers para iti Build, Build, Build Program ti Duterte Administration.
Idanun met ti DTI iti nasao nga aktibidad ti Negosyo Center tapnu maisurwan dagiti dumar-ay no kasano nga agnegosyo.
Malaksid iti daytoy, mangipaay met ti TESDA iti nagduduma a serbisyo para kadagiti dumar-ay iti nasao nga aktibidad a naawagan ti “World Cup of Opportunities” a tampok iti silver anniversary ti ahensia.