Pimmusay ti agarup uppat a pulo ket walo nga indibidual idiay Guangdong,China gapu iti pannakarba ti maysa a dalan sadiay, ken agtultuloy pay ti panagsapul kadagiti dadduma pay.
Ti napigsa a tudo ti rason ti pannakarba ti maysa a paset ti kalsada manipod Meizhou city paturong iti Dabu county iti agarup 2:10 a.m. idi kalman, Mayo 1.
Sigun kadagiti otoridad, napartak a nagturong dagiti lugan iti dandani 18-metro ti kaatiddogna iti nasao a dalan.
Maibasar iti rekord dagiti otoridad, maibilbilang ti Guangdong kas maysa kadagiti kaaduan ti bilang ti populasion ken maysa kadagiti kaaduan a nakapasar ti adu a didigra gapu iti nakaro ken pabaliw-baliw a paniempo itay nabiit.
Saan a ninamnama dagiti residente sadiay nga ad-adda a makadadael dagiti bagyo ngem ti tiempo a napasaranda ita a tawen nga adda pakainaigan iti panagbalbaliw ti klima.
Ti China ti kadakkelan a mangiruruar kadagiti greenhouse gases a rason ti panagbalbaliw ti klima ngem inkarida a pabassitenda ti emissions agingga iti net zero inton tawen 2060.
