Dumanon iti sangapulo a closed-circuit television (CCTV) ti isingsingasing ti City Environment and parks management office ti maimuntar kadagiti strategic areas ti Burnham Park.
Ti singasing a pannakaimuntar ti kanayunan a CCTV ket gapu manen iti napasamak nga insidente idi huebes a pannakadadael dagiti tallo a puon iti pine tree.
Iti opisyal nga statement ni Atty. Rhenan Diwas,dadaulo ti City Environment and Parks Management Office wenno CEPMO, ti pannakadadael ket saan laeng a maipanggep iti environmental concern no diket panaglabsing daytoy ti existing laws.
Sigun kenkuana ti siasinoman a matiliwan a mangdadael ti mula ken kayo a naimula kadagiti parapubliko a lugar ket mablin a mamulta ken maibalud.
Daytoy ket maibasar iti Presidential Decree No. 705 (Revised penal code of the Philippines) no sadino ket mamulta dagiti siasinoman a mangputed, mangperdi ken agkolektar ti aniaman a forest products pakairamanan ti kayo iti public lands, ken government-managed trees ken plants.
Malaksid ti presidential decree iti city ordinance no. 18 series of 2016 mangipaw-pawil ti pannakaperdi, pannakaparut ken panangdangran kadagiti kayo iti syudad.
Maipalagip a saan laeng a ti panakatukkol dagiti pine trees ti napasamak nga insidente iti Burnham park no diket adu pay dagiti napaspasamak a pannakadadael dagiti mulmula sadiay.
Gapu iti pannakaulit a panakadadael dagiti mula ken kayo iti nasao a parke, nagballaag ni Atty. Diwas kadagiti security guards nga agridam dagitoy ken bantayan a nalaing ti aglawlaw ti nasao a parke.
Sigun metlaeng kenni Atty. Diwas ti CCTV a maimuntar ket maiconnect iti command center iti syudad ti Baguio tapno mas mabantayan daytoy
Manamnama metlaeng a maiyuswat ti awareness campaign iti kabiitan a panawen.//Bombo Noveh Organo
