--Ads--
Posible a saan pay nga agkiddaw ti kanayunan a pasahe dagiti jeepney drivers ken operators iti Baguio-Benguet iti agdama.
Iti panakiuman ti Bombo Radyo kenni Rogel Canao, dadaulo ti transport group a MANIBELA iti Baguio-Benguet, kabaelan pay dagitoy nga isakad ti inaldaw a panagpasada iti baet nga agtultuloy ti panagngato ti presyo ti krudo wenno produkto a petrolyo.
Sigun kenni Canao, saan pay a panawen tapno agkiddaw dagitoy ti kanayunan a pasahe gapu ta mabalin a dagiti komyuter wenno pasaheros ti marigatan.
Nupay kasta, impetteng ti nasao nga opisyal nga iti kanito a mangrugin ti panakaimplimentar ti panagpasada kadagiti modernized jeepneys, posible nga agkiddawda metten ti kanayunan a pasahe.//Bombo Rob Dominguez
