Baguio City-Impanamnama ni Benguet Cong. Eric Go Yap ti panagbirok ti kanayunan a pondo para kadagiti nagduduma a pagagasan ken ospital ti probinsya.
Sigun iti manmanday linteg, maragsakan daytoy iti datus nga inruar ti Department of Health – Cordillera para iti Malasakit and Medical Assistance to Indigent and Financially Incapacitated Patients (MAIFIP) Program agsipud ta agtaltalinaed ti Benguet nga addaan ti dakkel a budget a dumanon iti P248.5 million.
Manipud iti nasao a pondo ket 98.70 percent wenno katukad iti P244.8 million ti nausar ditoy nu sadino kadakkelan iti Cordillera Region.
Innayon na pay nga agtultuloy ti panagbirok ti opisina na iti kanayunan a pondo tapno maserbian ken awan ti magastos dagiti agkasapulan nga umili ken residenti ti Benguet.
Manipud pay iti datus, nangrugi idi tawen 2023 ket dumanon iti 87,456 ti nagnumar ken natulungan ti Medical Assistance to Indigent and Financially Incapacitated Patients Program.
Imapaganetnet pay ni Yap a napateg ti free healthcare program agsipud ta kangrunaan a mabaybay-an ti salun-at dagiti dadduma nga umili gapu iti inarigat ti panagbiag.
Para iti agdama a tawen 2024, manamnama a makaawat pay dagiti ospital ken pagagasan ti Benguet ti nasurok P200 million a maaramat para iti surgery ken dadduma pay.
Ti nasao a pondo ket mabalin met laeng a mausar kadagiti ospital iti ruar ti Benguet kas iti National Kidney and Transplant Institute, Philippine Heart Center ken dadduma pay a pagagasan nu agkasapulan dagiti residenti ti Benguet.
Gapu iti daytoy ket agtultuloy ti panawagan ni Yap kadagiti Benguet residents nga umasideg da laeng iti opisina na nu agkasapilan da iti medical assistance.//Bombo Jordan Tablac
