Imbilin ni President Ferdinand Marcos Jr., kenni Executive Secretary Lucas Bersamin tapno mangiruar dagitoy iti kanayunan a pundo iti Philippine Sports Commission (PSC) para kadagiti Pilipino Athletes a makisalip iti umadanin a Paris Olympics.
Imbilinna daytoy bayat ti send-off ceremony para kadagiti national athletes a mangirepresentar iti pagilian a Pilipinas.
Panggep daytoy a suportaran ti panagsagana ken partisipasyon dagiti atleta.
Gapu iti daytoy, manamnama a mairuar ti P52 million para iti panagsagana, panagsanay, ken partisipasyon dagiti atleta iti 2024 Paris Olympics.
Manamnama metlaeng iti a maipaay ti P1.156 billion, babaen iti Philippine Sports Commission (PSC), tapno mausar kas pundo para kadagiti sumarsaruno pay nga atleta.
Innayonna pay a kasapulan ti rehabilitation kadagiti major sports facilities iti pagilian kas iti Rizal Memorial Sports Complex ken PhilSports Complex tapno mas mapasayaat pay ti performance dagiti atleta.
Kabayatanna,guyguyuguyen ti Presidente dagiti tumunggal maysa para iti suportar dagitoy iti umadanin a pasalip.//Rose
