BAGUIO CITY – Kidkiddawen ti UV Express Van Federation-Cordillera ti kanayonan a ruta a pagpasadaan dagitoy.
Sigun kenni Rey Bacoco ti United Metro Baguio Transport Federation ken Cordillera UV Express Van Federation, maur-uray pailaeng ti desision iti aplikasion dagitoy iti Land Transportation Franchising and Regulatory Board (LTFRB-CAR).
Kinunana nga inaplayan ti UV Express ti ruta paturong sadiay Dagupan, Rosario, Carmen ken Rosales iti probinsia ti Pangasinan banag nga inaprubaran dagiti maseknan nga ahensia ti gobierno.
Dinakamatna nga iti kanito a maaprobran ti kiddaw ti federasion a kanayonan a ruta ket maipaayan dagiti drivers ti special permit makabiahe dagitoy.
Imbinglay ni Bacoco a sumagmamano laeng a ruta ti pagpaspasadaan dagiti UV express partikular ti San Carlos ken Lingayen sadiay Pangasinan; Cabanatuan City ken Nueva Ecija.
Impettengna a napintas no maaprobaran dagiti inaplayanda a ruta tapno maliklikan ti panagbiahe dagiti colorum a lugan.
