--Ads--
BAGUIO CITY – Nailista ti kangatuan a recoveries iti COVID-19 iti Cordillera Administrative Region idi kalman.
Maibasar iti datos ti Department of Health – CAR, 206 nga indibidual ti naimbagan manipud iti nasao a sakit, no sadino, nailista ditoy syudad ti 114 ken 92 sadiay Benguet.
Kabayatanna, nailista ti 22 a kabarbaro a kaso iti rehion, no sadino, 10 ti nairekord iti Baguio City, siam sadiay Benguet ken saggaysa sadiay Apayao, Ifugao ken Kalinga.
Gapu iti dayta, dumanon itan iti 5, 214 ti pakabuklan a kaso ti COVID-19 ditoy rehiyon, 4,740 dagiti naimbagan ken 58 dagiti pimmusay.
