Ibilbilang ni Police Lieutenant Colonel Carol Lacuata,dadaulo ti Public Information Office ti Police Regional Office-Cordillera a maysa kadagiti kapatgan a sagut a naipaay kenkuana ti asawana dagiti nagbalin nga annakda.
Iti panakiuman ti Bombo Radyo kenkuana, dagiti annakna ti ibilbilangna a living trophy nu sadino, inaklonna a nasakit iti parte ti maysa nga ina apaman a madanun ti gundaway a makisinan dagitoy ken mangbukelda metten ti bukodda a pamilya.
Sigun kenni Lacuata, dagiti annak daytoy ti mangpabpabileg ti riknana tunggal sumangsango daytoy ti karit iti panagbiagna.
Nagbalin a dakkel a karit iti panagbalin nga ina ni Lacuata ti nature ti trabaho daytoy kas maysa a pulis gapu ta saan laeng a maymaysa ti pakaidestinoanna nangruna nu maysa daytoyen nga opisyal.
Inaklonna a masansan a magagaran daytoy nga agawid tunggal makitana ti bus a lumabas nga agturong iti lugarda nu sadino, napasaranna ti maawagan nga homesick idi naidestino daytoy iti sabali a lugar.
Nupay kasta, imbinglayna a dakkel a tulong ti kaadda dagidi nagannakna a maysa metlaeng kadagiti nangaywan kadagiti annakna rason a nangramid lattan daytoy ti pakakumikumanna bayat nga adayo daytoy kadagiti annakna.//Rob
