BAGUIO CITY – Pimmusay ti maysa a kapitan ti barangay sadiay Bangued, Abra kalpasan a binagbagsol ti lima a lallaki idi rabii.
Nabigbig daytoy a ni Claudio Barbadillo Bobias, 56-anyos ken kapitan ti Barangay Lingtan, Bangued, Abra.
Maibasar iti imbestigasyon ti Abra Police, manarimaan ti panag-inom ni Bobias iti sangwanan ti maysa a pagtagilakuan sadiay Lingtan, Bangued idi killaat daytoy a binagbagsol dagiti suspek
Dagus daytoy a naitaray iti ospital ngem naideklara a dead on arrival.
Manarimaan metten ti imbestigasyon dagiti otoridad tapnu maamuan ti pakabigbigan dagiti suspek ken ti motibo dagitoy.
Naamuan a nakaruar iti pagbaludan ni Bobias idi napalabas a lawas kalpasan a nagpiansa gapu iti panangpapatayda iti anakna iti kasinsin ti maysa kadagiti suspek iti pammaltog kenkuana bayat a makibambantay iti quarantine checkpoint ti barangayda idi March 25 ti agdama a tawen.
Sigun iti pulisya, panagbales ti motibo ti kapitan ken anakna idi pinalpaltoganda ti pimmusay a biktima.
