Nasayaaten ti chief of staff ni Vice President Sara Duterte, kalpasan ti insidente bayat ti pannakaibaludna iti House of Representatives, sigun kenni House sergeant-at-arms retired Police Maj. Gen. Napoleon Taas.
Ni Atty. Zuleika Lopez a naibalud sipud idi na-cite in contempt gapu iti saan a direkta a panagsungbatna iti damag dagiti mammanday-linteg maipapan iti confidential funds ket immunan a naiturong iti Veterans Memorial Medical Center (VMMC) para iti “evaluation” daytoy.
Iti press conference ni Taas idi kalman, kinunana a normal amin iti naduktalan iti medical tests ni Lopez, sigun iti doktor ti Philippine National Police (PNP) a nangkadua kenkuana paturong iti Veterans Memorial Medical Center (VMMC).
Sigun kenni Taas, ti inisial nga obserbasion ti doktor ti Philippine National Police a nangsukimat kenkuana ket panic attack nga epekto ti “distress” ni Lopez.