Linukatan manen ti Department of Justice (DOJ) ti panagdengngeg ti kaso dagiti mapukpukaw a sabungero idiay Manila Regional Trial Court.
Nagserbi kas basaran ti panangilukat ti nasao a kaso ti affidavit ti respondent ken whistleblower a ni Julie “Dondon” Patidongan wenno alyas Totoy.
Maammwan iti nasao a panagdengngeg nu karaman ni Patidongan kadagiti mapilaan ti kaso.
Personal a nagturong idi kalman idiay Department of Justice da Patidongan ken Atty. Gabriel Villareal, legal counsel ti negosyante a ni Charlie “Atong” Ang para iti preliminary investigation.
Sigun kenni Atty. Villareal, maresolba iti preliminary investigastion nu mairaman ni Ang kadagiti akusado iti nasao nga imbestigasyon.
Kinumpirmar metlaeng daytoy a nag- recant wenno nag-withdraw ni Patidongan kadagiti statements daytoy tapno maikat ti naganna mapilaan ti kaso.
Inlawlawag met ni Department of Justice Spokersperson Atty. Polo Martinez a mabalin a maisayangkat ti preliminary investigation kabayatan iti panagtultuloy ti kaso idiay korte gapu ta sigun kenkuana, saan a maapektaran dagiti ebidensiya kontra kadagiti immunan a nainaganan nga akusado. //bombokcs
