Immadu ti kaso iti Human immunodeficiency virus (HIV) iti siudad iti Baguio idi bulan ti Nobiembre iti agdama a tawen.
Iti panakiuman iti Bombo Radyo kenni Dra. Celiaflor Brillantes, City Health Officer iti Baguio, nasurok lima pulo ti nainayon kadagiti bilang dagiti pasiente iti Human Immunodeficiency Virus (HIV) ita a tawen.
Sigun kenniBrillantes, posible nga unprotected sexual practices ti rason iti panagadu dagiti kaso iti nasao a sakit nangruna kadagiti agtutubo.
Namnamaen iti nasao nga opisial a maaddaanda iti gundaway a masarungkaran ken makatungtong dagiti agtutubo nangruna kadagiti pagadalan tapno maipaayan dagitoy iti kanayonan a panakaammo seknan iti HIV ken Aids.
Kabayatanna, bassit laeng dagiti namonitor dagitoy a nagpositibo iti nasao a sakit paktikular kadagiti balay pagragsakan agsipudta linawas a mamonmonitor dagiti empleyado a babbae ken lallaki partikular kadagiti rehistrado a balay pagragsakan.
Kidkiddawen met ni Brillantes a dagus nga agpacheck up dagiti freelancers apaman a makapasarda iti nasaan a nasayaat iti repruductive systemda.
Agparparang met iti datos nga, ad-ad dagiti lallaki a maap-apektaran iti nasao a sakit nu idilig kadagiti babbae no sadino, kaaduan kadagiti sexualy active ket dagiti lallaki a makinanaig iti kapadada a lallaki.
Iti agdama, ngimmato iti agarup 40% angingga 50% ti kaso iti HIV iti Baguio City maibasar iti HIV testing Center iti siudad.//Bombo mp4
