Dumanonen iti 35 a shooting incidents ti nailista sadiay Abra manipud Enero a 12, 2025 agingga ita a bulan ti Mayo.
Iti panakiuman ti Bombo Raddyo kenni Police Liuetenant Colonel Daniel Pel-ey, Public Information Officer ti Police Provincial Office Abra, kinunana nga iti nasao nga insidente ket dumanon iti 21 nga indibidual ti pimmusay.
Sigun kenni Pel-ey, walo a kaso iti shooting incident ket nasolbar ken dagiti suspek ket naarestar.
18 a kaso ket maur-uray pay laeng ti warrant para iti pannakakemmeg dagiti adda iti likudan dagiti shooting incidents ken siyam a kaso ket manarimaan ti imbestigasyon dagiti otoridad.
Dumanon met iti pito a kaso ti mainaig iti election related incidents.
Kabayatanna, kiddaw ni Pel-ey iti publiko ti koordinasyonda para iti panakatiliw dagiti suspek kadagiti daduma a kaso iti shooting incidents.
Daytoy ket para iti panakaipaay iti hustisya kadagiti biktima.
