Impablaak ni DILG Secretary Jonvic Remulla a naituding a maisubmitir iti Department of Justice (DOJ) inton Biernes dagiti kaso seknan iti ipupusay iti Ateneo basketball players a da Rene Clert Baterbonia ken Divine Adili.
Sigun kenni Remulla, dandani malpasen ti imbestigasion ken adda iti maudi a lebel daytoy, nu sadinno sumagmamano a sigud a player ken kameng iti Ateneo laengen ti nabatbati a maimbestigaran.
Kinunana metlaeng a karaman kadagiti naipaawag dagiti opisial iti Ateneo ken dagiti mabigbigbig nga indibidual iti athletics program, bayat nga agtultuloy ti panagtipon iti testimonia kadagiti imbestigador.
Sigun kenkuana, nagbayag iti dua a lawas ti imbestigasion a nakagun-od iti dandani 100 a saksi ken agarup 1,200 a panid iti testimonia.
Kumpiansa met ti Philippine National Police Criminal Investigation and Detection Group (PNP-CIDG) iti kaso.
