Ngimmato ti kaso ti African swine fever iti probinsya ti Benguet.
Sigun kenni Governor Melchor diclas, immado ti kaso ti African Swine Fever sipud nangrugi ti pangtuduna.
Nu pay kasta, impettengna nga ar-aramiden amin dagitoy ti kabaelanda nangruna iti Provincial Veterinary Office ken dadduma a maseknan nga ahensya tpanu makontrol ti panag-adu ti nasao a virus wenno sakit ti baboy.
Impetteng pay ti gobernador a daytoy ti nagbalin a problemada gapu ta pimasmaspas ti panagwarasna gapu ti continous a panagtudo ken panaglayos.
Daytoy metlaeng ti rumrumwar a report a naawatna manipud iti Provincial Veterinary Office Officer a ni Dr. Purita L. Lesing.
Impeksa met ti opisyal a manamnama a maipaayan ti tulong dagiti hog raisers nga apektado iti nasao a sakit ti baboy. Nupay kasta, kitaen pay dagitoy ti kabaelan ti pondo a mabalin a maipaay para kadagiti apektado.
Innayun pay daytoy nga agtultuloy ti panag-inspectda kadagiti karne nga umuneg iti probinsya.
Nupay kasta, ti parikut ita ket addan iti uneg ti probinsya ti nasao a virus nga isu met ti adadalen ita dagiti maseknan nga ahensya tapno makontrol ti panagwaras daytoy.
Innayon pay ni Governor Diclas a mamonmonitor amin dagiti hog raisers iti probinsya ti Benguet no sadino karaman kadagiti apektado a munisipyo ket idiay La Trinidad, Itogon, ken dadduma pay.
Iti kaudian a datos manipud iti Provincial Veterinary Office (PVO) , dumanonen iti pakabuklan a 381 a baboy ti nakaptan iti ASF iti probinsya. Awan pay iti nasao a bilang no sadino 21 a kaso ti nailista idiay Itogon, sangapulo iti munisipyo ti La Trinidad, ken dua idiay Sablan.
