--Ads--
BAGUIO CITY – Dumanonen iti 5,192 ti pakabuklan a kaso ti COVID-19 ditoy Cordillera Administrative Region.
Maibasar iti datos ti Department of Health – CAR, nanayunan iti 27 a kabarbaro a kaso iti nasao a sakit idi kalman, ken naimbagan ti 93 a pasiente.
Manipod iti bilang dagiti naimbagan, nairekord ditoy syudad ti Baguio ti 69, 12 sadiay Kalinga, 9 sadiay Benguet, ken saggaysa sadiay Apayao, Ifugao ken Mt. Province
Kabayatanna, nailista ti kanayunan a kaso ditoy Baguio City a 19 ken 8 a kaso sadiay Benguet.
Mainaig iti dayta, nagtalinaed ti bilang dagiti pimmusay iti nasao a sakit iti 58, ken 600 dagiti aktibo a kaso bayat a 4,534 dagiti naimbagan.
