--Ads--
BAGUIO CITY – Nanayonan iti 93 ti kaso ti COVID-19 iti Cordillera Administrative Region idi kalman.
Maibasar iti report ti Department of Health – Cordillera, 53 kadagitoy ket nailista iti Benguet, 36 iti Baguio City, tallo sadiay Ifugao ken maysa iti probinsia ti Apayao.
Dumanon met iti 23 ti recoveries wenno naimbagan a nailista, no sadino, 20 ti nairekord iti siudad ti Baguio, dua sadiay Benguet ken maysa sadiay Ifugao.
Gapu iti dayta, dumanonen iti 6,499 ti pakabuklan a kaso ti COVID-19 iti rehion, 871 ti aktibo a kaso, 5,558 dagiti naimbagan ken 70 dagiti pimmusay.
