--Ads--
BAGUIO CITY – Nailista ti kanayunan a 76 a positibo a kaso ti COVID-19 ditoy siudad ti Baguio idi kalman.
Maibasar iti report, manipud iti nasao a bilang ti kabarbaro a kaso, 57 ti naipasidong iti contact tracing, 17 ti naipasidong iti expanded testing ken dua ti assymptomatic.
Gapu iti dayta, dumanon itan iti 2,546 ti pakabuklan a kaso ti COVID19 iti siudad ken 1,894 ti naimbagan kalpasan a nailista ti kanayunan a 95 a recoveries idi kalman.
Iti agdama, dumanon iti 620 ti aktibo a kaso ken nagtalinaed iti 32 ti bilang dagiti pimmusay gapu iti COVID-19 ditoy siudad ti Baguio.
