--Ads--
Ngimmato ti nailista a bilang ti kaso ti firecracker-related injuries no sadino uppat kadagitoy ti pimmusay.
Maibasar iti datos ti Department of Health, 37% a nangatngato daytoy no idilig iti rekord idi napalabas a tawen.
Karaman kadagiti pimmusay iti daytoy ket ti 54-anyos a lalaki manipud Calabarzon region no sadino nagsagrap daytoy iti severe injuries iti makinkannigid iti imana gapu iti “kwitis”.
Dagiti 491 met a biktiman ken agtawen iti sangapulo ket siyam agpababa, bayat a 341 kadagitoy ket agtawen iti dua pulo nga agpangato.
Innem a gasut, walo pulo ket lima kadagitoy ti lallaki bayat a sangagasut uppat a pulo ket pito ti babbai.
Kabayatanna, kwitis met ti nailista a kaaduan a rason iti daytoy, sarunuen ti 5-star ken boga.
